Yönlendirme

गरिवीको रेखामुनी रहेका समुदायको जीविकोपार्जनमा टेवा पुर्‍याउन र वन क्षेत्रको हैसियत सुधार गरी वातावरण संरक्षण गर्ने उद्देश्यले यस जिल्लामा कबुयिलती वन विकास कार्यक्रम सञ्चालन भएको छ । त्यसैले यस कार्य योजनाको अवधिमा यस कार्यक्रम प्राथमिकता प्राप्त कार्यक्रमको रुपमा सञ्चालन गरिने छ । डिभिजन वन कार्यालय भोजपुर अन्तर्गतका दिङ्गला, टेम्के, अरुण, हतुवागढी र आमचोक सव डिभिजन वन कार्यालय क्षेत्रमा कुल १९५ कवुलियती वन समूहहरु रहेका छन भने रामप्रसादराई सव डिभिजन वन कार्यालय क्षेत्रमा हालसम्म कवुलियती वन हस्तान्तरण भएको छैन ।

कार्यक्रमको उद्देश्य

सहभागितामूलक, वैज्ञानिक र दिगो व्यवस्थापनको माध्यमबाट गरीब, महिला र पिछडिएका वर्गको जीविकोपार्जनमा टेवा पुर्‍याउने,
वनको उत्पादकत्व बृद्धि गरी वन पैदावारको सतत उत्पादन गर्नु तथा स्रोत र फाइदाको न्यायोचित वितरणका अवसरहरुको सिर्जना गरी जीविकोपार्जनमा टेवा पुर्‍याउने,
जैविक विविधताको संरक्षण गर्ने,
आय आर्जनका कार्यक्रमहरु सञ्चालन गरी गरीवी न्यूनीकरण गर्ने ।

अपेक्षित उपलब्धि

वनको अवस्था अनुसार यसको सक्रिय व्यवस्थापनबाट वनको हैसियत र उत्पादकत्वमा सुधार भई गरीव, महिला तथा पिछडिएका वर्गको उत्थानमा विशेष टेवा पुगेको हुनेछ ।
वनको दिगो व्यवस्थापन हुनेछ ।
गरीव, महिला, आदिवासी जनजाति लगायत वञ्चितमा परेका समुदायको समूह तथा स्रोतमा पहूँच वृद्धि भई समूहको निर्णय प्रक्रियामा सहभागिता सुनिश्चित भएको हुनेछ ।

कवुलियति वन