कार्यालयको परिचय

वि.सं. २०४० सालमा तत्कालिन जिल्ला वन कार्यालय, भोजपुरको नामबाट स्थापित यस कार्यालयले स्थानीय वासिन्दालाई वन सम्वन्धी सेवा पुर्याउदै आएको छ । नेपाल सरकार (मन्त्रिपरिषद्) को मिति २०७५/०३/३२ को निर्णय अनुसार यस कार्यालयको नाम डिभिजन वन कार्यालय, भोजपुर रहेको छ । तदनुसार यस कार्यालयको सांगठनिक संरचना कोशी प्रदेश सरकार, पर्यटन, वन तथा वातावरण मन्त्रालय, वन निर्देशनालय मातहत रहेको छ । २ वटा नगरपालिका र ७ वटा गाउँपालिका गरी जम्मा ९ वटा स्थानिय तह भएको भोजपुर जिल्लामा यस कार्यालय अन्तर्गत ६ वटा सव डिभिजन वन कार्यालय कायम गरि वन सम्वन्धी सेवा प्रदान गर्दै आइरहेको छ ।

लक्ष्य तथा उद्देश्यहरु

लक्ष्यः

यस डिभिजन वन कार्यालयको लक्ष्य निम्न अनुसार रहेको छः

• वनक्षेत्र तथा जैविक विविधताको संरक्षण, सम्वर्द्धन र दिगो उपयोगद्वारा वन पैदावारको व्यवसायिकीकरण तथा सतत् आपूर्ति गर्ने साथै प्राकृतिक स्रोतहरुको एकिकृत व्यवस्थापन गर्दै जलाधारहरुको स्वस्थ्यता एवं वातावरणीय सन्तुलन कायम गरी पारिस्थितिकीय सेवा प्रवाहलाई निरन्तर अक्षुण्ण राख्ने ।

उद्देश्यहरुः

यस डिभिजन वन कार्यालयको उद्देश्यहरु निम्न अनुसार रहेका छन्:

• वनक्षेत्र एवं जैविक विविधताको संरक्षण गर्ने,
• सहभागितामूलक एवं दिगो वन व्यवस्थापन पद्धति अवलम्बन गरी वन व्यवस्थापन गर्ने,
• वनजन्य उत्पादन, सेवाको सदुपयोग र व्यवसायिकीकरणबाट वन पैदावारको सुलभ आपूर्ति, थप रोजगारी सिर्जना र जीविकोपार्जन सुधार गर्ने,
• पारिस्थितिकीय दृष्टिकोणबाट संवेदनशील क्षेत्रहरू, विशेष प्रजाति, जलाधार तथा पारिस्थितिकीय पद्धतिको संरक्षण र दिगो व्यवस्थापन गर्ने,
• उच्च मूल्यका वनस्पति र जडीबुटीहरूको पहिचान, दिगो सङ्कलन, प्रविधि विकासको साथै व्यवसायिकीकरण र बजारीकरण गर्न समुदाय तथा निजी क्षेत्रलाई प्रोत्साहन गर्ने कार्यक्रम सञ्चालन गर्ने तथा
• जलवायु परिवर्तनद्वारा सिर्जित जोखिम न्यूनीकरणको लागि उपयुक्त निष्प्रभावीकरण, अनुकूलन एवं उत्थानशील कार्यक्रम सञ्चालन गर्ने ।

सव डिभिजन वन कार्यालयहरु

डिभिजन वन कार्यालय भोजपुरको स्वीकृत संगठन संरचना अनुसार भोजपुर जिल्लामा वन व्यवस्थापनको हिसाबले ६ वटा सव डिभिजन वन कार्यालय (टेम्के, दिङ्गला, अरुण, रामप्रसादराई, हतुवागढी र आमचोक) रहेका छन र यिनको कार्यक्षेत्र निम्न अनुसार रहेका छन्।